ԵՊԲՀ շրջանավարտները աշխարհի միջօրեականներում

Տարիներ առաջ, կարևոր որոշում կայացրած, դուք եկաք ընդունվելու Երևանի բժշկական համալսարան: Հուսանք, որ այդ որոշումը պատահական չէր, այլ լավ մտածված ու միակ ճշմարիտն էր:

Չնայած, որ անցյալում են ուսանողական տարիներն ու դժվարին քննությունները, ձեր կարևորագույն քննությունը դեռ առջևում է և դուք այն կհանձնեք ձեր ողջ կյանքում: Դա լինելու է մասնագիտական կայացվածության, որոշումներ ընդունելու և պատասխանատվությունից չխուսափելու ընդունակությունների քննությունը: 

Վստահ եմ, որ դուք` այսօրվա շրջանավարտներդ, ավելի բախտավոր եք, քան հինգ կամ տաս տարի առաջ բուհին հրաժեշտ տված ձեր ավագ ընկերները: Անցած տարիների ընթացքում հայրենական բժշկության մեջ ծանրակշիռ ձեռքբերումներ են արձանագրվել: Այսօր բժիշկները հնարավորություն ունեն օգտվելու ժամանակակից սարքավորումներից: 

Մենք հույս ենք դնում ձեր գիտելիքների թարմ ուժերի, ձեր առողջ մասնագիտական ձգտումների և հայրենական բժշկության մեջ սեփական ավանդը ունենալու ձգտման վրա: Այս ամենի հետ մեկտեղ պետք է հիշել, որ մասնագիտական կյանքում կհաջողի նա ով բաց է ամեն նորի համար ով պատրաստ է կատարելագործել և խորացնել իր գիտելիքները` հետագայում գործնական կիրառություն տալով դրանց: 

Հարգելի շրջանավարտներ, լքելով հարազատ Alma mater-ի հյուրընկալ պատերը միշտ հիշեք ձեր ուսուցիչներին, որոնք սովորեցրել են ձեզ այն ամենը ինչ գիտեին և կարող էին նրանց, ովքեր անմնացորդ նվիրել են ձեզ իրենց հոգու մի մասը: 

Ռուբեն Համբարձումյան

արտասահմանցի ուսանողների խորհրդի նախագահ

Այսօր ես պատիվ ունեմ ելույթ ունենալու այն շրջանավարտների անունից, ովքեր հեռավոր Սիրիայից եկել են Հայաստան` բժշկական կրթություն ստանալու: Մենք երախտապարտ ենք բոլորին, ովքեր ջանք ու եռանդ չխնայեցին մեզ բժիշկներ դարձնելու համար: Մենք հպարտենք կոչվելու այս համալսարանի շրջանավարտ, քանի որ բոլորիս հայտնի են Երևանի պետական բժշկական համալսարանի վերջին տարիների շրջանավարտների հաջողությունները Սիրիայում: Մենք ևս խոստանում ենք բարձր պահել մեր համալսարանի պատիվը Սիրիայում: Վերջում ես ցանկանում եմ շնորհակալություն հայտնել իմ ընտանիքին, ընկերներին և բոլոր նրանց, ովքեր հնարավորություն ստեղծեցին այստեղ ուսանելու: 

Զահեր Ալմոումար Սիրիա

Պարսիկ շրջանավարտների անունից ցանկանում եմ շնորհակալություն հայտնել մեր դասախոսներին, ասել, որ մենք Հայաստանում և համալսարանում մեզ զգացել ենք ինչպես մեր տանը, սիրելի դասախոսների, հոգատար վերաբերմունքը նպաստել է մեր հաջողություններին ուսման մեջ: Ճանապարհը, որը մենք անցանք այս 6 տարիներին, դժվարությունները, որոնք մենք հաղթահարեցինք, բերեցին մեզ հարուստ գիտելիքների ձեռքբերման: Կարծում եմ` հիմա մենք պատրաստ ենք հաջողությամբ հանձնել քննությունները Իրանում և դրանով իսկ բարձր պահենք Alma-Mater-ի պատիվը:

Ռուզբեհ Դիդեվար Իրան

Հարցեր, պատասխաններ, մեկնաբանություններ